Ég hef innan við 4 vikur þar til ég þarf að vera flutt út úr núverandi íbúð og inn í aðra sem ég er ekki búin að finna og meiningin er að hún verði í Noregi, þar á ofan. Ég þarf að pakka, skipta búslóð, ganga frá skilnaði að borði og sæng, flytja, redda plöggum og pappírum, elda eins og vindurinn, ganga frá ótal lausum endum og svo framvegis og svo framvegis. Þess má líka geta að ég er að undirbúa GAPS-barnaafmæli um helgina, með öllu sem því tilheyrir (t.d. endalausar hnetur, möndlur og fræ á ýmsum stigum bleytis og þurrkunar...)
Ég er enn frekar slöpp og sólarhringurinn er einfaldlega of stuttur fyrir þetta allt - held þess vegna að ég verði einfaldlega að leyfa mér að raða þessu bloggi aðeins aftar í forgangsröðina en það hefur verið.
Það gæti þýtt að færslur verða strjálari og bloggreynsla mín segir mér líka að heimsóknum fækkar í samræmi við þannig... sem er alltaf dálítið sorglegt, en þannig er víst lífið stundum ;-)
Í mjög stuttu máli halda tilraunir með nýjungar áfram.
Í ljós hefur komið að hvorki ég né eldri stelpan þolum graflaxinn mjög vel, né heldur safann úr fáeinum nýtíndum kræki- og bláberjum.
Hins vegar kom gulrótarsafinn vel út, sem og bætiefnin öll sömul.
Nýjasta nýtt er... haldið ykkur fast... hrá lifur. Já, ég er ekkert að djóka, sko, ég og Hannibal Lecter erum komin á sama plan. Læt ykkur vita þegar ég get eitthvað sagt til um árangurinn af einhverri vissu.
Bað dagsins er óðum að fyllast, ætla að smella mér í það og svo að SOFA.
Knús og gangi þér vel! Þú tilkynnir bara með lúðrablæstri á feisbúkk þegar inn koma nýjar færslur!
ReplyDeleteÉg hef verið að lesa bloggið þitt og það hefur hjálpað mér að byrja mitt GAPS.
ReplyDeleteÞú skalt bara taka þér pásu, first thing first eins og sagt er. Gangi þér vel með það sem þú ert að brasa. Hlakka til að lesa þegar þú kemur aftur
Takk fyrir skilaboðin! Mér þykir rosalega vænt um þau!
ReplyDeleteVá er gott að vera aftur með fyrrverandi mína, þakka þér dr. Ekpen fyrir hjálpina, ég vil bara láta þig vita að þetta er að lesa þessa færslu ef þú ert með mál með elskhuganum þínum og leiðir til skilnaðar og þú gerir það ekki Vilja skilnaðinn, Dr Ekpen er svarið við vandamálið. Eða þú ert nú þegar skilnaður og þú vilt samt að hafa samband við hann. Dr Ekpen stafrænar rifrildi núna (ekpentemple@gmail.com) eða whatsapp hann á +2347050270218 og þú verður klæddur sem þú gerðir.
ReplyDelete